Tónlistarflutningur í borgaralegri fermingu

Þrír af lengra komnum nemendum Tónlistarskólans, þær Katrín Edda, Joanna Natalia og Lena Lind, komu fram á borgaralegri fermingu hjá Siðmennt í Valaskjálf laugardaginn 5. september. Gestir á athöfninni fengu að heyra rómantísk píanóverk eftir Tchaikovsky og Chopin auk nútímalegs flautuverks eftir Arno Babajanian. Nemendurnir spiluðu vel, sýndu fágaða sviðsframkomu og voru skólanum til mikils sóma og var gríðarleg ánægja með leik þeirra í athöfninni. Við erum stolt af því að eiga nemendur sem geta hrist flutning á flottum verkum fram úr erminni strax í byrjun haustannar. Við þökkum Siðmennt fyrir tækifærið fyrir nemendur okkar og óskum fermingarbörnum til hamingju!