Tónlistarmessa

Sunnudaginn 12. nóvember fór fram tónlistarmessa í Egilsstaðakirkju. Í henni komu fram söngnemendur úr tónlistarskólunum á Egilsstöðum og í Fellabæ. Nemendurnir sungu tónlist eftir Inga T. Lárusson, Báru Grímsdóttur, Eyþór Stefánsson, Felix Mendelssohn-Bartholdy og Georg Friedrich Händel auk þess að taka þátt í almennum safnaðarsöng. Nemendur frumfluttu einnig glænýja raddsetningu Sándors Kerekes, organista Egilsstaðakirkju, á sálmi nr. 304, Hér er vítt og hátt ásamt kirkjukórnum. Flytjendum var vel tekið og næsta tónlistarmessa verður á vormisseri. Það er afar ánægjulegt að nemendur skulu fá fjölbreytt tækifæri til þess að koma fram utan skólans og þökkum við Egilsstaðakirkju fyrir þetta góða samstarf.