Tónlistarmessa

Tónlistarmessa fór fram í Egilsstaðakirkju sunnudaginn 11. maí, en nokkur hefð hefur skapast fyrir slíkum messum og eru þær nú haldnar með reglubundnum hætti. Í messunni sungu söngnemendur Hlínar Pétursdóttur Behrens og Margrétar Láru Þórarinsdóttur og stóðu sig með prýði. Á efnisskrá voru verk eftir Atla Heimi Sveinsson, Björgvin Þ. Valdimarsson, Pál Ísólfsson og Wolfgang Amadeus Mozart. Var þetta yndisleg, hátíðleg stund og var flytjendum vel fagnað í lok messunnar. Við þökkum Egilsstaðakirkju kærlega fyrir tækifærið fyrir nemendur okkar að koma fram og finnst afskaplega gaman að sjá þegar það sem nemendur læra í tónlistarskólanum nýtist fyrir utan veggi skólans!