Tónlistarmessa í Egilsstaðakirkju

í rauninni eru allar messur tónlistarmessur en sunnudaginn 6. nóvember var sú nýbreytni í Egilsstaðakirkju að allur tónlistarflutningur var á hendi söngnemenda á Fljótsdalshéraði og kennara þeirra, Hlínar Pétursdóttur Behrens. Nemendur komu bæði úr Tónlistarskólanum á Egilsstöðum og Tónlistarskólanum í Fellabæ. Heyra mátti sálmalög, einsöng og kórsöng í smærri og stærri hópum. Flutt voru verk eftir Felix Mendelssohn, Þorkel Sigurbjörnsson, Ragnheiði Gröndal og Báru Grímsdóttur. Við þökkum Egilsstaðakirkju kærlega fyrir samstarfið og fyrir að gefa nemendum okkar tækifæri til að koma fram, en það er mikilvægt fyrir tónlistarnemendur að fá fjölbreytt tækifæri til þess að spila og syngja fyrir áheyrendur.