Tónlistarmessa í Egilsstaðakirkju

Sunnudagskvöldið 3. maí var tónlistarmessa í Egilsstaðakirkju. Í slíkri messu er lögð meiri áhersla á tónlist en venjulega og má heyra þar ýmsan tónlistarflutning. Í messunni komu fram nemendur úr tónlistarskólum á svæðinu, meðal annar Tónlistarskólanum á Egilsstöðum. Hlín Pétursdóttir Behrens sá um skipulag og átti þarna einnig marga nemendur. Leikið var á bassabásúnu og píanó auk þess að einsöngvarar og sönghópur komu fram. Meðal annars var flutt tónlist eftir Sigvalda Kaldalóns, Franz Schubert og Wolfgang Amadeus Mozart. Nemendur fengu góðar undirtektir hjá kirkjugestum. Við þökkum Egilsstaðakirkju kærlega fyrir að veita nemendum okkar þetta góða tækifæri til að koma fram.