Tónlistarmyndbönd á YouTube

Kl. 16:00 í dag, miðvikudaginn 13. maí, verður afrakstur tónlistarmyndbandaverkefnis Tónlistarskólans birtur á YouTube stöð skólans. Þetta er ein af nýjungunum sem við erum að brydda upp á í skólastarfinu þetta vorið, en vegna áhrifa COVID-19 á tónleikahald og annað höfum við þurft að leita nýrra leiða til þess að leyfa nemendum að koma fram. Nemendur hafa undanfarna daga tekið upp tónlistarmyndbönd með efni sem þau hafa verið að vinna að og mun afrakstur þessarar vinnu vera aðgengilegur á YouTube fram yfir skólaslit. Endilega kíkið á myndböndin hjá þessum duglegu nemendum!

Hlekkur á YouTube stöð Tónlistarskólans: https://www.youtube.com/channel/UCltjJBlpPHtg_DyGvN20x1g/