Tónlistarstund

Nemendur Tónlistarskólans fengu tækifæri til þess að koma fram á Tónlistarstund sunnudagskvöldið 9. júní ásamt nemendum úr Tónlistarskólanum í Fellabæ. Tónleikaröðin Tónlistarstundir er haldin á hverju sumri í Egilsstaða- og Vallaneskirkjum og skartar tónlistarmönnum af svæðinu og aðkomuflytjendum. Hefð hefur skapast fyrir því að nemendur úr skólunum á svæðinu fái að taka þátt í tónleikunum. Yfirleitt eru það nemendur sem eru komnir á framhaldsstig í sinni grein. Að þessu sinni fengu Eygló Daníelsdóttir, sópran, og Kamilla Kerekes, hornleikari, að koma fram á tónleikum í Egilsstaðakirkju. Þær stóðu sig með glæsibrag, sem og aðrir flytjendur og við óskum þeim til hamingju!