Tónlistarstund

Tónleikaröðin Tónlistarstundir er hafin og voru fyrstu tónleikar hennar haldnir þriðjudagskvöldið 9. júní í Egilsstaðakirkju. Hefð er fyrir því að langt komnir nemendur, ekki síst nemendur sem lokið hafa prófum á hærri stigum um vorið, komi fram á tónleikaröðinni og var engin undantekning á því núna. Á tónleikunum komum fram nemendur Tónlistarskólans á Egilsstöðum og Tónlistarskólans í Fellabæ og stóðu þeir sig með glæsibrag. Efnisskráin var fjölbreytt og skemmtileg og mátti heyra leikið á bassabásúnu og píanó auk einsöngs og söngs sönghópa. Við þökkum Hlín Pétursdóttur Behrens, sem skipuleggur tónleikaröðina, fyrir að gefa nemendum þetta tækifæri til að koma fram.