Tónsmíðavika

Þessa vikuna er svokölluð tónsmíðavika í Tónlistarskólanum. Við höfum haft tónsmíðaviku á hverri önn undanfarin tvö ár, leggjum misjafnlega mikið upp úr henni en notum samt alltaf einhvern hluta kennslutímans þessa viku til að tala um tónsmíðar við nemendur. T.d. hvort þeir hafi sjálfir (eða sjálfar) smið lög, hvort þeir þekki einhver tónskáld, hvernig tónsmíðar verða til, mismunandi tegundir tónsmíða og fleira því tengt.

Stundum koma tónverk út úr þessu og stundum ekki. Sumir hafa auðvitað meiri áhuga en aðrir á að búa til sína eigin tónlist og það er bara allt í lagi en við viljum með þessu að minnsta kosti hvetja nemendur til umhugsunar um að tónlistin sem þeir spila er búin til af einhverjum öðrum og hvers vegna skyldu þá ekki bara allir geta búið til tónlist?