Tónsmíðavika

Næsta vika (vikan 1. - 5. febrúar) er tónsmíðavika í Tónlistarskólanum á Egilsstöðum.

Í þeirri viku ræðum við um tónsmíðar og tónskáld við nemendur og hvetjum þau til að prófa að semja eigin tónlist. Þau eru auðvitað mismikið til í það eins og gengur og gerist en við reynum allavega að benda þeim á að það getur hver sem er búið til tónlist og það þarf bara æfingu í því eins og öðru.

Það hafa komið ágætis lög út úr þessu og við vonum að þetta skili sér í að nemendur okkar verði meðvitaðri um þessa hlið námsins.