Undir sömu stjörnu

Nýstofnuð Þjóðarópera setti upp sýninguna Undir sömu stjörnu í Eskifjarðarkirkju sunnudaginn 25. október í samvinnu við Menningarstofu Fjarðabyggðar, Sinfóníuhljómsveit Austurlands og Óperukór Austurlands. Var húsfyllir á sýningunni og var hún öll hin glæsilegasta, en á henni voru fluttar ýmsar af helstu perlum óperusögunnar og saga óperunnar rakin frá upphafi. Tónlistarskólinn er stoltur styrktar- og stuðningsaðili SinfóAust og kennarar skólans spiluðu með í hljómsveitinni. Lengra komnir söngnemendur í skólanum sungu einnig með í kórnum sem Hlín Pétursdóttir Behrens, söngkennari við skólann, skipuleggur og stjórnar. Hlín söng einnig einsöng í sýningunni. Við óskum Óperunni til hamingju og þökkum henni fyrir komuna austur!