Upptakturinn 2022

Ína Berglind leikur frumsamið lag á Nótunni

Upptakturinn, tónsköpunarverðlaun barna og unglinga, fór fram í Hörpu á Barnamenningarhátíð Reykjavíkur þriðjudaginn 5. apríl. Ína Berglind Guðmundsdóttir, sem er nemandi bæði í Tónlistarskólanum á Egilsstöðum og Tónlistarskólanum í Fellabæ, var ein af þeim sem valin var til þátttöku að þessu sinni. Ína Berglind er þegar á unga aldri orðin afkastamikill lagahöfundur og hefur verið að spila og syngja eigið efni við hin ýmsu tækifæri. Við óskum henni, og öllum þeim frábæru ungu tónskáldum og lagahöfundum sem tóku þátt, innilega til hamingju með Upptaktinn. Þess má geta að hægt verður að heyra upptöku af tónleikunum á Rás 1 sumardaginn fyrsta.