Upptakturinn 2026

Röskva flytur frumsamið lag á hausttónleikum

Upptakturinn 2026 fór fram núna á vorönn og tóku nemendur Tónlistarskólans virkan þátt í honum. Upptakturinn á Austurlandi fól í sér tónlistarsmiðju sem fram fór í Stúdíó Síló í Sköpunarmiðstöðinni á Stöðvarfirði dagana 7.-8. febrúar, þar sem ýmsir nemendur okkar tóku þátt ásamt öðrum nemendum frá Austurlandi. Meðal þeirra nemenda var Röskva Ósk Sindradóttir, en hún var valin til þess að fara til Reykjavíkur sem fulltrúi Austurlands í Upptaktinum sem fram fór í Hörpu nú í Apríl. Lagið hennar, Undercover, var útsett af Júlíusi Mána Sigurðssyni og flutt í Norðurljósasal Hörpu miðvikudaginn 22. apríl. Við óskum Röskvu innilega til hamingju!