Upptakturinn á Austurlandi

Tónlistarsmiðja Upptaktsins á Austurlandi fór fram núna í febrúar í Studio Silo í Fish Factory - Creative Centre á Stöðvarfirði. Tilgangur Upptaktsins er meðal annars að stuðla að tónsköpun ungs fólks og að hvetja börn og ungmenni til að semja eigin tónlist. Hann er hugsaður fyrir nemendur í 5.-10 bekk. Á tónlistarsmiðjunni fengu nemendur að vinna að tónlistinni sinni undir handleiðslu reyndra tónlistarmanna og taka upp í stúdíói. Tónlistarskólinn á Egilsstöðum átti tvo nemendur á tónlistarsmiðjunni að þessu sinni, þær Birnu Jónu Sverrisdóttur og Báru Maríu Þorgeirsdóttur. Við þökkum Menningarstofu Fjarðabyggðar og frábæru leiðbeinendunum á smiðjunni kærlega fyrir okkar nemendur!