Upptakturinn á Austurlandi

Upptakturinn á Austurlandi fór fram dagana 8.-9. febrúar í Studio Silo á Stöðvarfirði á vegum Menningarstofu Fjarðabyggðar, en Upptakturinn eru tónsköpunarverðlaunum barna og ungmenna. Þar fengu nemendur að vinna hugmyndir sínar að lögum sem þau höfðu samið og sent inn. Að þessu sinni tóku sjö nemendur Tónlistarskólans á Egilsstöðum þátt. Lagið hennar Þórhildar Ingunnar Pétursdóttur var valið af dómnefnd til þess að taka þátt í Upptaktinum í Reykjavík í apríl, en hún stundar söngnám í skólanum hjá Margréti Láru. Dómnefndin tók það sérstaklega fram að mörg frábær framlög hefðu borist frá Austurlandi þetta árið. Við óskum tónsmiðunum ungu til hamingju!