Útitónleikar í Dyngju

Tónlistarskólinn hélt síðustu tónleika sína á skólaárinu í Dyngju á þriðjudag. Þessir tónleikar voru með nokkuð óvenjulegu sniði, þar sem enn eru takmarkanir á heimsóknum í hjúkrunarheimili í gildi. Þetta voru útitónleikar og spiluðu nemendur alla efnisskrána tvisvar, einu sinni öðru megin við Dyngju og einu sinni hinum megin. Þetta var gert til þess að allir íbúar fengu að heyra tónleikana. Veðrið var þokkalegt og nemendur stóðu sig vel við að fást við óvenjulegar aðstæður. Við þökkum Dyngju fyrir skemmtilegt samstarf yfir skólaárið og hlökkum til að heimsækja íbúa á næsta ári, en þá verður vonandi búið að aflétta takmörkunum!