Verkfalli aflýst .... í bili

Þær gleðifréttir bárust snemma morguns (þriðjudaginn 25. nóvember) að skrifað hefði verið undir samning milli Félags Tónlistarskólakennara (FT) og samninganefndar sveitarfélaganna. Samningurinn er stuttur skv. fyrstu fréttum en að sögn Sigrúnar Grendal formanns FT er hann skref í þá átt að jafna kjör tónlistarkennara við aðrar kennarastéttir.
Næstu skref eru þau að samningurinn verður kynntur félagsmönnum FT og þeir kjósa um hann. Það á að vera búið fyrir 8. desember.
Kennsla hefst í dag en búast má við að dagurinn í dag verði skrykkjóttur því við erum bara að átta okkur á þessu smám saman. Á morgun verður allt komið í lag skv. stundaskrá og að því gefnu að samningurinn verði samþykktur verður kennt skv. stundaskrá fram að jólum.