Vetrartónleikar

Tónlistarskólinn hélt árlega vetrartónleika sína miðvikudaginn 23. febrúar í Egilsstaðakirkju. Upprunalega stóð til að halda tvenna tónleika þetta kvöldið, en mikil forföll vegna Covid settu strik í reikninginn og var brugðið á það ráð að halda aðeins eina tónleika í staðinn, svo þeir yrðu þokkalega veglegir og skemmtilegir. Það er mjög ánægjulegt að það hafi tekist og að nemendur hafi fengið þetta tækifæri. Nemendur á öllum aldri og öllum námsstigum komu fram og fluttu fjölbreytt úrval af tónlist með miklum glæsibrag. Heyra mátti þjóðlög, sígilda tónlist, popp og rokk og gátu því allir fengið að heyra eitthvað við sitt hæfi. 

Efnisskrá vetrartónleika 2022