Vínarklassísk veisla

Nemendur og kennarar Tónlistarskólans auk fyrrverandi nemenda voru meðal þeirra sem tóku þátt í glæsilegum tónleikum Kammerkórs Egilsstaðakirkju fyrsta sunnudag aðventunnar, þann 1. desember í Egilsstaðakirkju. Á tónleikunum, sem báru heitið Vínarklassísk veisla, mátti heyra kirkjuleg verk eftir Michael og Joseph Haydn og Wolfgang Amadeus Mozart flutt undir traustri stjórn Torvalds Gjerde. Hlín Pétursdóttir Behrens, söngkennari við Tónlistarskólann, söng einsöng í Salve Regina og Gloria úr Missa Sancti Nicolai eftir Joseph Haydn og var það sérlega glæsilega gert. Úlfar Trausti Þórðarson, söngnemandi Hlínar, söng einnig einsöng á tónleikunum. Við þökkum Kammerkórnum fyrir glæsilega tónleika og óskum þeim innilega til hamingju!