Vorgáski Sinfóníuhljómsveitar Austurlands

Æfing á Vorinu

Sinfóníuhljómsveit Austurlands hélt tónleika sem nefndust Vorgáski í Eskifjarðarkirkju og Egilsstaðakirkju laugardaginn 30. og sunnudaginn 31. mars og var glettni í fyrirrúmi. Meðal þeirra sem spiluðu með hljómsveitinni voru kennarar og nemendur Tónlistarskólans. Kristófer Gauti Þórhallsson, nemandi við skólann, lék einleik á fiðlu í fyrsta kaflanum af Vorinu eftir Vivaldi undir stjórn Charles Ross og voru Bríet og Rán Finnsdætur einnig í mikilvægum hlutverkum í því verki, en þær eru einnig nemendur við skólann. Hlín Pétursdóttir Behrens, söngkennari við Tónlistarskólann, og Erla Dóra Vogler, fyrrverandi nemandi í skólanum, sungu einsöng með hljómsveitinni og Zigmas Genutis, píanókennari við skólann stjórnaði hljómsveitinni.