Vortónleikar TME

Tónlistarfélag Menntaskólans á Egilsstöðum hélt Vortónleika þriðjudagskvöldið 20. maí kl. 19:30 í Valaskjálf. Voru tónleikarnir allir hinir glæsilegustu og nemendur stóðu sig alveg frábærlega. Efnisskráin var bæði fjölbreytt og afar vönduð. Sjá mátti af viðbrögðum áheyrenda að þeir voru gríðarlega ánægðir með tónleikana. Mikill fjöldi nemenda kom fram á tónleikunum, sem sýnir að tónlistin lifir góðu lífi innan veggja ME. Tónlistarskólinn átti þarna ýmsa nemendur á sviði, bæði núverandi og fyrrverandi, og erum við að sjálfsögðu afar stolt af þeim. Við óskum TME innilega til hamingju  með glæsilega tónleika og hlökkum til að fylgjast með þessum glæsilega hópi ungmenna áfram!