Hljóðfæranámskrá Tónlistarskólans á heimasíðu

Hljóðfæranámskrá Tónlistarskólans á Egilsstöðum er nú aðgengileg á heimasíðu skólans. Undanfarin misseri hafa starfsmenn skólans unnið markvisst að því að uppfæra hljóðfæra- og söngnámskrá skólans. Fram að þessu hefur verið unnið með sambland af aðalnámskrá tónlistarskólanna og þáttum úr gömlum hljóðfæranámskrám í skólanum. Í nýju námskránni eru stigin á milli áfangaprófa Prófanefndar (1. 2. 4. og 6. stig) endurunnin frá grunni út frá aðalnámskrá tónlistarskóla. Stigsprófin og námskröfurnar eru nú í mun betra samræmi við aðalnámskrá tónlistarkóla og væntum við þess að nýja námskráin muni styðja við faglega kennslu í skólanum og stuðla að bættum námsárangri.

Námskrá Tónlistarskólans á Egilsstöðum