Skyndihjálparnámskeið

Starfsfólk Tónlistarskólans nýtti starfsdaginn þann 15. febrúar vel í mjög gott og fróðlegt skyndihjálparnámskeið. Um var að ræða fjögurra klukkutíma námskeið á vegum Rauða krossins sem veitir þátttakendum viðurkenningu frá Rauða krossinum og Velferðarráðuneytinu. Meðal efnis á námskeiðinu var streita í neyðartilfellum, fjögur skref skyndihjálpar, grunnendurlífgun og sjálfvirkt hjartastuð, að athuga viðbrögð, að opna öndunarveg, að athuga öndun, hjartahnoð og blástursaðferð, hliðarlega, losun aðskotahlutar úr öndunarvegi, innvortis- og útvortis blæðingar, bruni, höfuðhögg, hjartaáfall, bráðaofnæmi og heilablóðfall. Námskeiðið var liður í símenntunaráætlun Tónlistarskólans, en sú áætlun samanstendur annars vegar af sameiginlegum námskeiðum starfsfólks og hins vegar af einstaklingsbundnum starfsþróunaráætlunum einstakra starfsmanna.