Fréttir

Fréttabréf Tónlistarskólans á Egilsstöðum er komið út. Reynt er að gefa út fréttabréf eftir hverja önn og í þessu fréttabréfi eru m.a. fréttir af síðastliðinni haustönn. Fréttabréfið má skoða með því að smella á tengilinn fréttabréf hægra megin á síðunni og síðan tengilinn Fréttabréf janúar 2016.

Næsta vika (vikan 1. - 5. febrúar) er tónsmíðavika í Tónlistarskólanum á Egilsstöðum. Í þeirri viku ræðum við um tónsmíðar og tónskáld við nemendur og hvetjum þau til að prófa að semja eigin tónlist. Þau eru auðvitað mismikið til í það eins og gengur og gerist en við reynum allavega að benda þeim á að það getur hver sem er búið til tónlist og það þarf bara æfingu í því eins og öðru.

Jæja þá er vorönnin byrjuð í Tónlistarskólanum á Egilsstöðum og kennsla orðin í föstum skorðum. Það tekur oft smá tíma að skipuleggja kennsluna eftir áramótin og koma mönnum í gang. Kennarar þurfa að endurskoða stundaskrár og við þurfum að búa til bekkjarskrár sem er stundaskrá með öllum tímum allra nemenda í hverjum bekk.