Fréttir

Jæja þá er vorönnin byrjuð í Tónlistarskólanum á Egilsstöðum og kennsla orðin í föstum skorðum. Það tekur oft smá tíma að skipuleggja kennsluna eftir áramótin og koma mönnum í gang. Kennarar þurfa að endurskoða stundaskrár og við þurfum að búa til bekkjarskrár sem er stundaskrá með öllum tímum allra nemenda í hverjum bekk.

Tvennum jólatónleikum Tónlistarskólans á Egilsstöðum er nú lokið. Þeir voru haldnir þriðjudaginn 8. desember kl. 18 og 20. Skemmst er frá því að segja að þeir gengu báðir mjög vel og hver snillingurinn af öðrum kom fram.

Þar sem spáin fyrir kvöldið er óvenju slæm og gefnar hafa verið út ýmsar viðvaranir teljum við okkur ekki annað fært en að fresta jólatónleikunum sem áttu að vera í kvöld kl. 6 og 8 um eina viku. Þeir verða haldnir nk. mánudag, 14. desember á sömu tímum.

Þá fer að líða að því að desember gangi í garð og önnin hefur liðið hratt. Nóg hefur verið að gera hjá okkur í haust.

Þessa vikuna er svokölluð tónsmíðavika í Tónlistarskólanum. Við höfum haft tónsmíðaviku á hverri önn undanfarin tvö ár, leggjum misjafnlega mikið upp úr henni en notum samt alltaf einhvern hluta kennslutímans þessa viku til að tala um tónsmíðar við nemendur.

Nú er kennsla hafin í Tónlistarskólanum á Egilsstöðum. Fyrsta vikan er liðin og kennslan farin að komast í fast form en það tekur oft smá tíma að koma vélinni í gang, þetta er eins og gamall traktor sem þarf að gangsetja varlega og leyfa að hitna aðeins áður en allt er sett á fullt.